ARTISTAS E CREADORES/AS
Serán elixíbeis cinco representantes de artistas e creadores que teñan a súa veciñanza nas terras de Compostela designados polas respectivas asociacións sectoriais de ámbito galego. Un no ámbito da música, outro no das artes plásticas, un no do audiovisual, un no das artes escénicas e un/ha escritor/a.
ASOCIACIONISMO
Serán elixibles catro representantes do asociacionismo elixido democraticamente por eles. Dous polas agrupacións e escolas de música e dous polo asociacionismo cultural.
FUNDACIÓNS CULTURAIS
Serán elixíbeis tres representantes das Fundacións Culturais actuantes en Compostela elixidos democraticamente por elas.
INDUSTRIAS CULTURAIS
Serán elixíbeis seis representantes das industrias culturais que teñan o seu marco territorial de actuación en Compostela designados polas respectivas asociacións sectoriais de ámbito galego e, de non habelas, elixido entre os axentes actuantes en Compostela. Un dos representantes será elixido pola asociación de salas de música e actuacións en vivo; outro entre as empresas de xestión cultural; outro polas asociación de empresas de artes escénicas e musicais; outro polas asociacións de empresas do audiovisual; outro polas asociacións do libro e a edición e outro polas asociacións de galeristas.
GRUPOS AMADORES ARTES ESCÉNICAS E MUSICAIS
Serán elixíbeis catro representantes dos grupos de artes escénicas e musicais amadores, elixidos democraticamente por eles procurando que haxa representación das diferentes artes.